Ուտելու հոգեբանությունը
Ուտելու հոգեբանությունը կիրառական հոգեբանություն է, որն օգտագործվում է` հասկանալու մարդու սննդի ընտրության և ուտելու վարքագիծը:
Սնունդն ունի հիանալի ազդեցություն առողջության և ինքնազգացողության վրա, նաև մեծ ազդեցություն` մարդու զգացումների ու կյանքի որակի վրա:
Հետևաբար, ախորժակի վերահսկումը, սննդի ճիշտ ընտրությունը և սնվելու կառավարումն ապահովում են մարդու հանգստությունը, էներգիան և զգոնությունը, բարելավում՝ առողջությունը, հեշտացնում՝ շարժումները, բարեփոխում մարմնի պատկերը։
Կան բազմաթիվ գործոններ, որոնք ազդում են մարդու ուտելիքի նկատմամբ նրա զգացմունքների և վարքագծի վրա։ Այդ գործոնները կարող են լինել անհատական, ընտանեկան, հասարակական, մշակութային, դասակարգային և հոգեբանական։
Շատ հաճախ մարդիկ սնունդն օգտագործում են սթրեսը, ձանձրույթը կամ անհանգստությունը հաղթահարելու, ոմանք էլ` ուրախության զգացում ապրելու կամ այն երկարացնելու համար։ Իրականում նման վարքագիծը կարող է բացասական հետևանքներ ունենալ մարդու ֆիզիկական ու հոգեկան առողջության վրա։ Ուտելու նման վարքագիծը կարող է պատճառ դառնալ շաքարախտի, բարձր զարկերակային ճնշման և խոլեսթերինի քանակի ավելացմանը, ինչպես նաև մեղավորության և բացասական հուզումների ի հայտ գալուն։
Վարքագիծն ու քաշի կառավարումը
Քաշի կառավարումը կարելի է իրականացնել ինքնճանաչողության և առողջ վարքագծի ձևավորման միջոցով։ Այս իմաստով պետք է ուշադրություն դարձնել ուտելու դրդապատճառների, սննդի տեսակի և չափաբաժնի վրա, գիտակցել ուտելու խթանների ազդեցությունը, անառողջ սննդի վտանգավորությունը և այլն։
Ի՞նչ անել։
- Գիտակցել, թե որո՞նք է չափից ավելի ուտելու պատճառները,
- մտածել շատակերության խթանների մասին,
- հասկանալ` իսկապե՞ս անոթությունն է դրդում ուտելու, թե՞ սովորական ցանկությունը,
- քաշը կառավարելու համար հարկավոր է մշակել սննդակարգ և նոր ապրելակերպ,
- հավատալ ու վարել առողջ վարքագիծ և մտածողություն,
- խուսափել ուշ ժամերին սնունդ ընդունելուց,
- ձանձրույթի ժամանակ նախընտրել մարզանքը, քան` ուտելը,
- չուտել հեռուստացույց դիտելու, համակարգչով կամ հեռախոսով զբաղվելու, աշխատելու, մեքենա վարելու ժամանակ կամ` կանգնած,
- ուտել միայն սնվելու համար նախատեսված վայրում,
- ունենալ սննդի օրագիր,
- կշռվեք շաբաթը մեկ անգամ,
- քաջալերեք ու սիրեք ինքներդ Ձեզ: