Հարց

Ճարպակալումը ինչպիսի՞ վտանգ է ներկայացնում առողջությանը։

Պատասխան

Ճարպակալումը ռիսկային գործոն է մի շարք հիվանդությունների համար։ Դրանք են.

• մահացության բարձր ռիսկ (5-րդ դիրքում` ընդհանուր մահացության մեջ),
• արյան զարկերակային գերճնշում (հիպերտոնիկ հիվանդություն),
• ցածր խտության լիպոպրոտեին խոլեսթերոլի (LDL) և տրիգլիցերիդների ավելացում, իսկ բարձր խտության լիպոպրոտեին  խոլեսթերոլի (HDL) քանակի նվազում,
• 2-րդ տիպի շաքարային դիաբետ,
• կորոնար անոթների հիվանդություն (սրտի իշեմիկ հիվանդություն),
• ուղեղային կաթված,
• լեղապարկի հիվանդություն,
• օստեոարթրիտ,
• քնի ապնէ,
• քրոնիկ բորբոքումների և օքսիդատիվ սթրեսի ավելացում
• քաղցկեղային հիվանդություն (էնդոմետրիալ, կրծքագեղձ, հաստ աղիք, երիկամ, լեղապարկ և լյարդ),
• կյանքի ցածր որակ,
• հոգեկան հիվանդություններ (դեպրեսիա, հուզականություն, տխրություն),
• մարմնի ցավ և ֆիզիկական աշխատանքի դժվարություն,

Ճարպակալման դեմ պայքարելու համար անհրաժեշտ է ունենալ առողջ վարքագիծ, որը ներառում է.

• կանոնավոր ֆիզիկական ակտիվություն (արագ քայլել, շաբաթական առնվազն 2 օր զբաղվել մկանները ուժեղացնող ֆիզիկական վարժություններով, և այլն),
• առողջ սնունդ (հացահատիկ, մրգեր, բանջարեղեն, սպիտակուցներ, ցածր յուղայնությամբ և յուղազերծ կաթնամթերք, ջուր և այլն),
• այրած և ընդունած կալորիաների հավասարակշռություն: