Ալկոհոլային բրենդները շատ լավ գիտեն թե մարդիկ ուզում են հավատալ, որ գոյություն ունի «առողջ խմելու» ձև։ Եվ հենց այդ հավատալու ցանկությունն է նրանց ամենաուժեղ մարկետինգային լծակը։
VODKA - «Մաքուր էներգիա»․․․
Խայծը: “մաքուր”, “զտված”, “առանց շաքար”, “առանգ գլուտեն”․․․
Իրականությունը։ Միգուցե օղին տեխնիկապես մաքուր է, սակայն այն էթանոլ է՝ նյարդային թույն։ Ոչ շաքարը, ոչ էլ առանց գլյուտեն լինելը չեն դարձնում օղին «անվնաս»։
ԳԻՆԻ - «Սրտի համար օգտակար»
Խայծը։ Կարմիր գինին պարունակում է ռեսվերատրոլ՝ հակաօքսիդանտ, որը պաշտպանում է սիրտը։
Իրականությունը․ Ռեսվերատրոլի քանակը գինու մեջ այնքան փոքր է, որ օգուտ ստանալու համար պետք է խմել հարյուրավոր բաժակներ։ Իսկ ալկոհոլը նույնիսկ փոքր դոզայով մեծացնում է քաղցկեղի և լյարդի վնասման ռիսկը։
ԳԱՐԵՋՈՒՐ - «Թեթև և բնական»
Խայծը։ «Բնական բաղադրիչներ», «ցածր ածխաջուր», «լայթ»․․․
Իրականությունը։ Գարեջուրը հաճախ պարունակում է հավելյալ շաքարներ, իսկ “light” տարբերակները խաբուսիկ են: Այդ պատճառով մարդիկ սովորաբար խմում են ավելի շատ, արդյունքում՝ նույն քանակի էթանոլ։
ՎԻՍԿԻ - «Արական ուժի խորհրդանիշ»
Խայծը։ Հին տակառներ, ավանդույթ, տղամարդկային ուժ, դասականություն․․․
Իրականությունը։ Վիսկին պարունակում է ամենաշատ կոնգեներներ՝ խմորաման մնացորդներ, որոնք ուժեղացնում են թունավոր ազդեցությունը և գլխացավը։ Այդ «հատուկ համը»՝ իրականում օրգանիզմի համար ավելի ծանր բեռ է։
Եզրակացություն
Ալկոհոլը մնում է նույնը՝ անկախ տեսակից, գույնից կամ պիտակից։ Մարկետինգային բառերը՝ մաքուր, օրգանիկ, բնական, թեթև, հնչում են հաճելի ու անվնաս, բայց չեն չեղարկում այն հիմնական փաստը, որ էթանոլը թույն է, որը վնասում է լյարդը, ուղեղը և հորմոնային համակարգը։ Իսկ եթե ընտրություն կա, ապա ամենաառողջ ըմբելիքը դա ջուրն է։
