Սնունդն ու ապրելակերպը մեծ դեր ունեն շագանակագեղձի հիվանդությունների կանխարգելման գործընթացում։

Ստորև ներկայացնում ենք այն սննդամթերքն ու ապրելակերպի մոդելը, որն օգնում է տղամարդկանց հաղթահարել շագանակագեղձի խնդիրները։

Սննդամթերք

1. Ուտել օրական առնվազն հինգ բաժին միրգ և բանջարեղեն:
2. Սննդակարգից հանել սպիտակ հացը:
3. Սահմանափակել կարմիր մսի օգտագործումը (ներառյալ` տավարի, խոզի, գառան և վերամշակված միսը` երշիկեղեն, հոթ-դոգ և այլն):
4. Օգտագործել ձուկ, թռչնի միս, լոբի և ձու՝ որպես սպիտակուցի ավելի առողջարար աղբյուրներ:
5. Ընտրել առողջարար ճարպեր (ձիթապտղի յուղ, ընկույզ և ավոկադո):
6. Սահմանափակել հագեցված ճարպերի օգտագործումը:
7. Խուսափել տրանս ճարպերի կիրառումից, որոնք առկա են փաթեթավորված և արագ սննդի մեջ:
8. Խուսափել շաքարից (քաղցր և գազավորված ըմպելիք):
9. Ուտել քաղցրավենիք, բայց` հազվադեպ:
10. Սննդակարգում կրճատել աղի քանակը:
11. Սահմանափակել պահածոյացված, վերամշակված և սառեցված մթերքի օգտագործումը:
12. Ուտել դանդաղ ու չափավոր:

Ապրելակերպ

1. Ֆիզիկական ակտիվությունն ու քայլելը նվազեցնում են շագանակագեղձի գերաճի ախտանիշների ինտենսիվությունը:
2. Ֆիզիկական ակտիվությունը` հատկապես վազքը, բարելավում է տղամարդու սեռական կարողությունը և նվազեցնում էրեկտիլ դիսֆունկցիայի առաջացումը:
3. Ակտիվ կենսակերպը և կոնքի վարժությունները բարելավում են քրոնիկ պրոստատիտով հիվանդների կյանքի որակն ու ախտանշանների զարգացումը: