Պահպանակներ
Տղամարդու պահպանակը բեղմնականխարգելման ամենահայտնի ու տարածված մեթոդներից է։ Պահպանակը բարակ պարկիկ է, լատեքսային ռետինից կամ պոլիուրետանից, որը հագցվում է էրեկտիլ վիճակում գտնվող առնանդամի վրա՝ պատնեշ ստեղծելու համար, ինչը խոչնդոտում է սերմնաբջիջների ներթափանցումը հեշտոց։
Պահպանակի օգտագործումը հայտնի էր դեռևս հին ժամանակներից։ Օրինակ, հռոմեացի զինվորներին պարտադրվում էր ունենալ ոչխարի աղիներից պատրաստված պահպանակներ և արշավանքների ժամանակ պատահական կանանց հետ կենակցելիս անպայման օգտագործել ՝ հիվանդություններից (այդ ժամանակ սիֆիլիսից) զերծ մնալու համար:
Ոմանք խուսափում են պահպանակի օգտագործումից՝ պատրվակելով, որ սեռական զգացողությունը թուլանում է, սակայն պահպանակի օգտագործումը ունի մի շարք առավելություններ և օգուտներ։
Որո՞նք են պահպանակի առավելությունները
Պահպանակը ո՛չ միայն հակաբեղմնավորիչ է, այլ նաև սեռական ճանապարհով փոխանցվող հիվանդությունների (այդ թվում ՁԻԱՀ-ի) կանխարգելման միջոց։
Պահպանակնի ճիշտ օգտագործման դեպքում այն արդյունավետ է մոտավորապես 98%-ով։
Պահպանակը կարելի է օգտագործել տարբեր իրավիճակներում՝ կրծքով կերակրման ժամանակ, ծննդաբերությունից հետո, աբորտից հետո և այլն։
Պահպանակի վաճառքն ազատ է, և այն կարելի է ձեռք բերել ամենուր։
Ինչպե՞ս պահպանակը ճիշտ օգտագործել
• Զգուշությմաբ հանել փաթեթից, սեղմել ծայրի հատվածը և օդը հանել այդ տարածությունից:
• Պահպանակը լիովին հագցնել պինդ և էրեկցիայի վիճակում առնանդամի վրա:
• Սեռական ակտից հետո անմիջապես հեռացնել այն առնանդամի վրայից:
• Օգտագործումից հետո փաթաթել ու նոր միայն նետել աղբարկղ:
• Յուրաքանչյուր սեռական կապի համար նոր պահպանակ օգտագործել:
• Ուշադրություն դարձնել պիտանելիության ժամկետին:
• Սեքսից առաջ ունենալ բավարար քանակի պահպանակներ:
• Չօգտագործել վնասված կամ պատռված պահպանակ:
• Պահպանակը չբացել մկրատի կամ սուր գործիքի միջոցով:
• Խուսափել պահպանակը տաք վայրում պահելուց:
• Պահպանակը չպատել քսուքներով, յուղերով կամ գելով:
• Սեռական ակտի ժամանակ պահպանակի պատռման դեպքում կիրառել շտապ հակաբեղմնավորիչ միջոցներ: