Ճարպակալումը մեծացնում է երիկամների քաղցկեղի հավանականությունը
Բրիտանացի գիտնականները պնդում են, որ ճարպակալումը նպաստում է երիկամների քաղցկեղի տարածմանը:
Մեծ Բրիտանիայի Քաղցկեղի ուսումնասիրության կենտրոնը հրապարակել է ավարտված հետազոտության արդյուքները..., համաձայն որոնց՝ ճարպակալումը մեծացնում է երիկամի քաղցկեղի հավանականությունը մոտ 70%-ով, մինչդեռ ծխելը՝ 50%-ով:
Գիտնակաները նշում են, որ մարդիկ չեն գիտակցում ճարպակալման արդյունքում ձեռք բերված քաղցկեղի վտանգը: Երիկամային քաղցկեղը այս հիվանդության տեսակների մեջ տարածվածությամբ ութերորդն է:
Փորձագետները նշում են, որ ճարպակալումը մեծացնում է երիկամների քաղցկեղի վտանգը, այնպես, ինչպես կրծքի, աղիքների և արգանդի, քանի որ այն նպաստում է որոշակի հորմոնների արտադրմանը, ինչը չի դիտվում «առողջ» քաշով մարդկանց մոտ:
Մեզում արյան առկայությունը երիկամային քաղցկեղի առաջին ազդանշաններից մեկն է, իսկ երիկամների քաղցկեղի վաղաժամ հայտնաբերումը կարող է բուժվել վիրահատական միջամտությամբ :
Վերջին 35 տարիների ընթածքում Մեծ Բրիտանիայում ծխելիության մակարդակը նվազել է, իսկ ճարպակալության մակարդակը աճում է՝ տղամարդկանց մոտ 70%-ով, կանանց մոտ 60%-ով:
Կենտրոնի տնօրեն Սառա Հիոմը ասել է. «Ծխելուց հրաժարվելուց, հիշեք, որ առողջ քաշը նույնպես նպաստում է երիկամային քաղցկեղի վտանգի նվազեցմանը»: