Սուր միզակապություն (Acute Urinary Retention)
2017/07/03
Սուր միզակապությունը միզելու անկարողությունն է, որն որովայնի ստորին հատվածում առաջացնում է սուր ցավեր և կարիք ունի շտապ ուրոլոգիական միջամտության:
Սուր միզակապություն
Միզակապության պատճառը միզուկի և միզապարկի խցանումներն են, որոնք առաջանում են ներքոնշյալ հիվանդությունների ժամանակ.
- շագանակագեղձի բարորակ հիպերպլազիա (ադենոմա),
- շագանակագեղձի քաղցկեղ,
- շագանակագեղձի բորբոքում (պրոստատիտ),
- միզուկի նեղացում,
- միզապարկի քարեր,
- արյունամիզություն (մակարդուկներ),
- միզուղիների բորբոքումներ,
- միզապարկի վզիկի սկլերոզ,
- նեյրոգեն միզապարկ:
Միզային կատետր (urinary catheter)
Սուր միզակապությունը պահանջում է շտապ միջամտություն` մեզին արտահոսք տալու նպատակով: Դա կատարվում է կատետերիզացիայի միջոցով, որի ժամանակ միզուկից դեպի միզապարկ անց է կացվում սիլիկոնային խողովակ` մեզը բաց թողնելու նպատակով: Եթե դա չի հաջողվում, կատարվում է վերցայլքային միզային խողովակի տեղադրում (ցիստոստոմիա):
Կուտակված մեզը բաց թողնելուց հետո պետք է հետազոտել հիվանդին` սուր միզակապության պատճառը պարզելու, և համապատասխան բուժում նշանակաելու կամ վիրահատություն կատարելու նպատակով: