Հետ միզարձակման դրիբլինգ (Post-void dribbling)
Դրիբլինգ (dribling) կոչվում է այն երևույթը, երբ միզարձակումն ավարտելուց հետո տղամարդու վարտիքը թրջվում է մեզի հանկարծակի արտահոսքի պատճառով։
Հետ միզարձակման դրիբլինգի (Post-void dribbling) պատճառները շատ պարզաբանված չեն։ Հիմնական ենթադրյալ պատճառը կապված է կոնքի հատակի թույլ մկանների (հատկապես` բուլբոկավերնոզ) հետ, որի արդյունքում, երբ փակվում է միզապարկի ելքը, միզուկի տվյալ հատվածում կուտակված մեզը ինքնահոս իջնում է ցած։
Որո՞նք են կոնքի հատակի մկանների թուլության պատճառները.
- շագանակագեղձի վիրահատություններ,
- փորկապություն,
- քրոնիկ հազ (հատկապես ծխողների մոտ),
- գերքաշ,
- նյարդերի վնասում,
- մշտական ծանրություն բարձրացնելը:
Այլ պատճառներից են՝ ստորին միզուղիների ախտանշանները, որոնք հանդիպում են շագանակագեղձի տարբեր հիվանդությունների ժամանակ (ադենոմա, քաղցկեղ, պրոստատիտ)։ Այս ախտանշաններից են՝ հաճախամիզությունը, դժվարամիզությունը, ճիգերով միզարձակությունը և այլն։
Ինչպե՞ս կանխել դրիբլինգը.
- միզելու վերջում սպասել մի քանի վարկյան` մինչև միզապարկի ամբողջական դատարկումը,
- ձախ ձեռքի երեք մատների ծայրերով սեղմել ամորձուց քիչ ներքևի հատվածը, այնուհետև միջին գծով մեղմորեն մատների ծայրերը սահեցնել դեպի առաջ՝ առնանդամի հիմքի ուղղությամբ,
- միզուկի մեզի դատարկումից հետո կրկնել այս գործողությունը մի քանի անգամ,
- ուժեղացնել կոնքի մկանները` վարժությունների միջոցով,
- դիմել ուրոլոգիական խորհրդատվության: