Վաղաժամ սերմնաժայթքումը կարող է զգալի ազդեցություն ունենալ կանանց սեռական առողջության և հարաբերությունների վրա: Տղամարդու արագ սերմնաժայթքումը զուգընկերուհու մոտ առաջացնում է հիասթափություն, անբավարարություն և նույնիսկ մերժվածության զգացողություն:

Կնոջ վրա վաղաժամ սերմնաժայթքման հնարավոր հետևանքները

1. Սեռական անբավարարվածության։ Կինը կարող է հիասթափված և դժգոհ զգալ իր սեռական հարաբերությունից, երբ նրա զուգընկերը շատ արագ է ավարտում սեռական ակտը:

2. Զույգերի մտերմության նվազում։ Վաղաժամ սերմնաժայթքումը կարող է խանգարել զույգերի մտերմությանն ու մոտիկությանը։

3. Անհանգստություն։ Այս խնդիրը սկսում է կանանց մոտ առաջացնել մտահոգություն և անհանգստություն, ինչը կարող է դժվարացնել սեռական հաճույքն ու վայելքը:

4. Մարմնի բացասական պատկեր։ Վաղաժամ սերմնաժայթքման ժամանակ կինը պատասխանատու է զգում իր զուգընկերոջ տվյալ խնդրի համար, և նրա մոտ առաջանում է բացասական վերաբերմունք՝ սեփական մարմնի և իր տղամարդուն հաճույք պատճառելու կարողության նկատմամբ:

5. Հարաբերությունների հետ կապված խնդիրներ։ Վաղաժամ սերմնաժայթքման հետևանքով առաջացած հիասթափությունը կարող է բերել հարաբերությունների լարվածության և կոնֆլիկտի:

Հարկ է նշել, որ վաղաժամ սերմնաժայթքումը բուժելի է: Զույգային թերապիան կամ սեռահոգեբանական մոտեցումները կարող են օգնել՝ զույգերի հարաբերությունների բարելավմանը և մտերմության վերականգնմանը: